સુંદર એ ફેંક્યો એવો કરામાતી બોલ, બેટ્સમેન તો ત્યાં જ ઢળી ગયો, આઉટ થતા સૌ કોઈ હેરાન…જુઓ વિડીયો,વોશિંગ્ટન સુંદર કાઉન્ટી ક્રિકેટમાં ધમાલ મચાવી રહ્યો છે. કેન્ટ સામેની મેચમાં સુંદરે પોતાની સ્પિનનો જાદુ બતાવ્યો હતો. તેની કાઉન્ટી ડેબ્યૂ વખતે પણ સુંદરે લેન્કેશાયર માટે શાનદાર રમત રમી હતી.
તે મેચમાં સુંદરે ઈનિંગમાં પાંચ વિકેટ લેવા ઉપરાંત બીજી ઈનિંગમાં બેટિંગ કરીને 34 રનની અણનમ ઈનિંગ રમીને ટીમને જીત અપાવી હતી.ટીમ ઈન્ડિયાના સ્ટાર ઓલરાઉન્ડર વોશિંગ્ટન સુંદર કાઉન્ટી ક્રિકેટમાં ધૂમ મચાવી રહ્યો છે. આ દરમિયાન, 22 વર્ષીય વોશિંગ્ટન સુંદરે મેચની ચોથી ઇનિંગમાં એક બોલ ફેંક્યો, જે હવે હેડલાઇન્સમાં છે.
સુંદરનો બોલ ઓફ-સ્ટમ્પની બહાર ઘણો દૂર સુધી પીચ થયો અને બાદમાં ટર્ન લઈને ઓફ-સ્ટમ્પને ઉડાવી દીધો. આવી સ્થિતિમાં, બેટ્સમેન જોર્ડન કોક્સને વિશ્વાસ ન હતો કે તે આઉટ થયો છે. કોક્સની પ્રતિક્રિયા જોવા જેવી હતી. સુંદરે મેચની ચોથી ઇનિંગમાં કુલ ત્રણ વિકેટ ઝડપી હતી, જેના આધારે લંકેશાયરની ટીમ 184 રનથી મેચ જીતવામાં સફળ રહી છે.
સુંદર તેની કાઉન્ટી ડેબ્યૂમાં પણ લેન્કેશાયર માટે શાનદાર રમ્યો હતો. તે મેચમાં સુંદરે ઈનિંગમાં પાંચ વિકેટ લેવા ઉપરાંત બીજી ઈનિંગમાં બેટિંગ કરીને 34 રનની અણનમ ઈનિંગ રમીને ટીમને જીત અપાવી હતી. સુંદર ઉપરાંત અન્ય ભારતીય ખેલાડીઓ પણ કાઉન્ટી ક્રિકેટમાં ચમકી રહ્યા છે. અનુભવી ભારતીય બેટ્સમેન ચેતેશ્વર પુજારા સસેક્સ અને ઝડપી બોલર ઉમેશ યાદવ મિડલસેક્સની ટીમનો ભાગ છે. આટલું જ નહીં ઓલરાઉન્ડર કૃણાલ પંડ્યા પણ વોરવિકશાયર ટીમ સાથે સંકળાયેલો છે.
What a ball from Washington Sundar, beauty in county. pic.twitter.com/TwKp32tpHg
— Johns. (@CricCrazyJohns) July 28, 2022
વોશિંગ્ટન સુંદરે 2020-21 ઓસ્ટ્રેલિયન પ્રવાસ પર ટીમ ઈન્ડિયાની ઐતિહાસિક ટેસ્ટ શ્રેણી જીતવામાં મહત્વની ભૂમિકા ભજવી હતી. ગાબા ટેસ્ટના પ્રથમ દાવમાં તેણે શાર્દુલ ઠાકુર સાથે મહત્વપૂર્ણ ભાગીદારી કરીને ભારતને મુશ્કેલીમાંથી બહાર કાઢ્યું હતું. જોકે, ઈજાના કારણે તેની ટૂંકી કારકિર્દીને અસર થઈ છે અને તે લગભગ એક વર્ષથી ભારતીય ટીમની બહાર છે.
સુંદર ભારત માટે અત્યાર સુધીમાં ચાર ટેસ્ટ, ચાર વનડે અને 31 T20 આંતરરાષ્ટ્રીય મેચ રમી ચૂક્યો છે. તેની ટેસ્ટ કારકિર્દીમાં સુંદરે 66.25ની એવરેજથી 265 રન બનાવ્યા છે, જેમાં ત્રણ અડધી સદીનો સમાવેશ થાય છે. સુંદરે ક્રિકેટના આ સૌથી મોટા ફોર્મેટમાં અત્યાર સુધીમાં 6 વિકેટ ઝડપી છે. બીજી તરફ, સુંદરના વનડેમાં 28.50ની એવરેજથી 57 રન અને T20 ઈન્ટરનેશનલમાં 6.71ની એવરેજથી 47 રન છે. તમિલનાડુના આ ક્રિકેટરે T20 ઈન્ટરનેશનલમાં 25 અને વન-ડે ઈન્ટરનેશનલમાં 5 વિકેટ લીધી છે.લાઈવ ટીવી
