ટીમ ઇન્ડિયાને મળ્યો T20 ક્રિકેટ માં યુવરાજ સિંહ જેવો ઘાતક બેટ્સમેન, હવે તો જીત પાક્કી,ભારતીય ક્રિકેટ ટીમ હાલમાં ઇંગ્લેન્ડ સામે પાંચમી ટેસ્ટ મેચ રમી રહી છે. આ મેચ બાદ ભારતીય ટીમને ઈંગ્લેન્ડ સામે ત્રણ મેચની ટી-20 અને વનડે શ્રેણી રમવાની છે. આ સીરીઝની શરૂઆત પહેલા ટીમ ઈન્ડિયા દિનેશ કાર્તિકની કેપ્ટનશીપમાં પ્રેક્ટિસ મેચ રમી રહી હતી.
ભારતીય ક્રિકેટ ટીમ ઈંગ્લેન્ડ સામેની ટેસ્ટ મેચ બાદ ત્રણ મેચની T20 અને ODI શ્રેણીમાં મળવા જઈ રહી છે. આ શ્રેણી પહેલા ભારતીય ટીમનો એક બેટ્સમેન ચુસ્ત ફોર્મમાં છે.જેમાં કેટલાક ખેલાડીઓએ શાનદાર પ્રદર્શન કર્યું છે. ફોર્મમાં ચાલી રહેલા દીપક હુડ્ડાની શાનદાર અડધી સદીના આધારે ભારતે T20 વોર્મ-અપ મેચમાં ડર્બીશાયર કાઉન્ટી ટીમને 7 વિકેટે હરાવ્યું હતું.
આયર્લેન્ડ સામેની બીજી ટી20 મેચમાં કારકિર્દીની પ્રથમ ટી20 સદી ફટકારનાર હુડ્ડાએ 37 બોલમાં 59 રન બનાવ્યા અને ત્રીજી વિકેટ માટે સૂર્યકુમાર યાદવ (અણનમ 36) સાથે 78 રનની ભાગીદારી કરી. ભારતે 151 રનનો ટાર્ગેટ 20 બોલ બાકી રહેતા હાંસલ કર્યો હતો.
હુડ્ડાએ પોતાની ઇનિંગમાં પાંચ ચોગ્ગા અને બે છગ્ગા ફટકાર્યા હતા જ્યારે ઈજામાંથી પરત ફરી રહેલા યાદવે ચાર ચોગ્ગા અને એક છગ્ગા ફટકાર્યા હતા. ઓપનર સંજુ સેમસને 30 બોલમાં 38 રન બનાવ્યા હતા જ્યારે સુકાની દિનેશ કાર્તિક સાત રને અણનમ રહ્યો હતો.
અગાઉ, ઝડપી બોલર ઉમરાન મલિક અને અર્શદીપ સિંહની બે-બે વિકેટની મદદથી, ભારતે પ્રથમ બોલિંગ કરી અને ડર્બીશાયરને 8 વિકેટે 150 રન પર રોકી દીધી. અક્ષર પટેલ અને વેંકટેશ અય્યરે એક-એક વિકેટ લીધી હતી. ડર્બીશાયર તરફથી વેઈન મેડસેને સૌથી વધુ 28 રન બનાવ્યા હતા. ભારતીય ટીમ રવિવારે નોર્થમ્પટનશાયર સામે બીજી વોર્મ-અપ મેચ રમશે.
