કેપટન હાર્દિક પંડ્યા ની એક ભૂલ અને સજા મળી આખી ટીમને…. આઇપીએલ માં કેપ્ટન તરીકે હાર્દિક પંડ્યા એ કદાચ પહેલીવાર ભૂલ કરી હતી. ટી-20 લીગ ની મેચમાં તેણે પંજાબ કિંગ્સસામે ટોસ જીતીને બેટિંગ કરવાનું પસંદ કર્યું હતું. વર્તમાન સિઝનમાં પ્રથમ વખત કોઈ ટીમે નાઈટ મેચમાં ટોસ જીતીને બેટિંગ કરી હતી.
બીજા દાવમાં ઝાકળને કારણે બોલિંગ સરળ નથી. મંગળવારે પ્રથમ બેટિંગ કરતા ટીમે 8 વિકેટે 143 રન બનાવ્યા છે. વર્તમાન સિઝનમાં આ ટીમનો સૌથી ઓછો સ્કોર છે. પંડ્યાએ સંભવતઃ ટીમના અત્યાર સુધીના પ્રદર્શનને ધ્યાનમાં રાખીને આ નિર્ણય લીધો છે. આ મેચ પહેલા ટીમે 9માંથી 8 મેચ જીતી છે.
ટીમને ત્રીજી ઓવરના પહેલા બોલ પર પહેલો ફટકો લાગ્યો હતો. શુભગન ગિલ ઝડપી રન લેવા માટે રનઆઉટ થયો હતો. તેણે 6 બોલમાં 9 રન બનાવ્યા હતા. આ દરમિયાન તેણે 2 ચોગ્ગા માર્યા હતા. ઓપનર બેટ્સમેન રિદ્ધિમાન સાહા સારા ફોર્મમાં દેખાઈ રહ્યો હતો, પરંતુ તે 17 બોલમાં 21 રન બનાવીને કાગીસે રબાડાનો શિકાર બન્યો હતો. તેણે પણ 3 ચોગ્ગા અને એક છગ્ગો માર્યો હતો.
કેપ્ટન હાર્દિક પંડ્યા પણ મોટી ઇનિંગ રમી શક્યો ન હતો. તે 7 બોલમાં એક રન બનાવીને ઋષિ ધવનનો શિકાર બન્યો હતો. બીજી તરફ ડેવિડે 14 બોલમાં 11 રન બનાવ્યા અને લિયામ લિવિંગસ્ટોન દ્વારા આઉટ થયો હતો. ટીમે 67 રનના સ્કોર પર 4 વિકેટ ગુમાવી દીધી હતી. આ પછી રાહુલ તેવટિયા અને સાંઈ સુદર્શને ટીમની કમાન સંભાળી હતી. 15 ઓવર પછી સ્કોર 4 વિકેટે 98 રન હતો. ટીમના 100 રન 16મી ઓવરમાં પૂરા થયા હતા.
ટીમે છેલ્લી 5 ઓવરમાં 45 રન બનાવ્યા હતા. ઋષિ ધવને શાનદાર બોલિંગ કરી હતી. તેણે 4 ઓવરમાં માત્ર 26 રન આપ્યા અને એક વિકેટ લીધી હતી. કાગીસે રબાડાએ 17મી ઓવરના સતત 2 બોલમાં 2 વિકેટ લઈને ગુજરાતને ઝટકો આપ્યો હતો. તેવટિયા 13 બોલમાં 11 રન બનાવીને આઉટ થયો હતો.
ત્યારબાદ રાશિદ ખાન ગોલ્ડન ડકમાં પાછો ફર્યો હતો. હવે ટીમનો સ્કોર 6 વિકેટે 112 રન થઈ ગયો હતો. સાઈ સુદર્શને અડધી સદી ફટકારીને ટીમની કમાન સંભાળી હતી. તે 50 બોલમાં 65 રન બનાવીને અણનમ રહ્યો હતો. 5 ચોગ્ગા અને એક છગ્ગો માર્યો હતો. રબાડાએ 33 રનમાં 4 વિકેટ લીધી હતી.
